رزق الهبل

في هاليومين الأخيرة، ما أقول إلا ... مصخوها!!!!

أحيانا أحط على الراديو اسمع الأخبار، وفي الفترة الأخيرة لاحظت شي غريب، هالبرامج الجديدة اللي ما شغلتها إلا النصب على الناس وأكل أموالهم بدون ما يحسون، أولها هالبرنامج الأهبل اللي على إم بي سي واللي اسمه الحلم، يقول لك ترسل كلمة حلم على رقم معين وتدخل على سحب مليونين ريال تنقسم على ثلاث أشخاص، وطبعا زمان كانت هالعروض تمر بشكل عادي بس الحين صار المذيعين والمذيعات يطلبوا من المستمعين ويشجعوهم بشكل مكثف وقوي على ارسال الرسال بنية انه يمكن يفوزوا وطبعاالفائز الوحيد هو القناة لأنهم لما يطلعوا مليونين يعطوها لثلاث أشخاص راح يجيهم بدلها عشرين مليون من المجانين اللي يصدقوا ويرسلوا ويدفعوا على كل رسالة مبلغا وقدره!!!!!

والمصيبة الثانية على نفس القناة، صاروا يقولوا انه المشاهدين هم اللي يحددوا مين الأغنية اللي حيبثوها، ويطلبوا من المشاهدين انهم يصوتوا لفنانهم المفضل عشان (يفوز) على الثاني وبالتالي أغنيته هي اللي تعرض على الراديو، طبعا الأغاني موجودة ببلاش والحمار اللي يحب يسمع الأغنية الفلانية ما عليه إلا ينزلها من الإنترنت أو يشتريها من السوق، بس انه ناس تدفع وترسل رسائل بالعشرات بس عشان يهزموا الفريق الثاني واللي يزيد الطين بلة المذيعة اللي تشجعهم أكثر على الإرسال وعلى انه (ينتصروا) لفنانهم المفضل، وصارت دعاية المذيعين لرقم الجوال اللي ترسل عليه الرسائل أكثر من الكلام العادي، والله شي تشمئز له النفس ويجيب الغثيان والحكة في أماكن حساسة!!!!!!!!

ما أقول إلا مصخرة، والله لا يبلانا بالهبل مثل ما بلا هالعالم، ونكمل المثل، رزق الهبل على المجانين!!

وين راديو أيام زمان!!!